ՀՀ դեսպան Ռուբեն Կարապետյանի հանդիպումը Մասիմո Դ'Ալեմայի և Վանինո Կիտիի հետ

02 փետրվարի, 2011

2011թ. փետրվարի 2-ին Իտալիայում ՀՀ դեսպան Ռ.Կարապետյանը հանդիպումներ ունեցավ Իտալիայի խորհդարանում գործող Անվտանգության հարցերով կոմիտեի նախագահ, երկրի նախկին վարչապետ ու արտգործանախարար Մասսիմո Դ’Ալեմայի, ինչպես նաև Իտալիայի Սենատի փոխնախագահ Վաննինո Կիտիի հետ:
Մ.Դ’Ալեմայի հետ դեսպան Ռ.Կարապետյանը քննարկեց հայ-իտալական հարաբերությունների, տարածաշրջանային ու միջազգային զարգացումների, Հարավային Կովկասում Իտալիայի արտաքին քաղաքականության, ինչպես նաև եվրոպական կառույցներում Իտալիայի ներկայացուցիչների հետ համագործակցության հետ կապված մի շարք հարցեր:
Հանդիպման ընթացքում անդրադարձ կատարվեց նաև ԼՂ հակամարտության կարգավորման ու հայ-թուրքական հարաբերությունների հաստատմանն ուղղված գործընթացներին:

Իտալիայի Սենատի փոխնախագահ Վ.Կիտիի հետ հանդիպման ընթացքում երկուստեք շեշտվեց հայ-իտալական խորհրդարանական համագործակցության ակտիվացման անհրաժեշտությունն ու Սենատում երկու ժողովուրդների պատմական բացառիկ կապերը լուսաբանող տարբեր միջոցառումների կազմակերպման կարևորությունը:
Պայմանավորվածություն ձեռք բերվեց ընդլայնել Իտալիայի խորհրդարանում գործող հայ-իտալական բարեկամության խումբը, իրականացնել փոխայցելություններ և բարձրացնել իտալացի օրենսդիրների շրջանում տեղեկացվածության մակարդակը Հայաստանի և ԼՂՀ-ի վերաբերյալ

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր