ՀԱՂՈՐԴԱԳՐՈՒԹՅՈՒՆ Արմավիա ընկերության կողմից իրականացվող Երևան-Հռոմ ուղիղ չվերթի բացման պաշտոնական արարողության վերաբերյալ

30 սեպտեմբերի, 2009

Տեղեկացնում ենք, որ ս.թ. սեպտեմբերի 30-ին Հռոմի «Լեոնարդո դա Վինչի» օդանավակայանի «Սալա Բլու» սրահում տեղի ունեցավ Արմավիա ընկերության կողմից իրականացվող Երևան-Հռոմ ուղիղ չվերթի բացման պաշտոնական արարողությունը:

Միջոցառման ընթացքում ողջույնի խոսքով հանդես եկան Իտալիայում ՀՀ դեսպան Ռ. Կարապետյանը, «Արմավիա» ընկերության գլխավոր տնօրեն Ն. Բելլույանը, «Հռոմի օդանավակայաններ» ընկերության փոխնախագահ Ս. Բերլենգին, Արմավիայի գործընկեր` «Գլոբգրաունդ» ծառայության գործադիր տնօրեն Ռ. Ֆիորինին, Իտալահայ միության նախագահ Բ. Սվազլյանը ինչպես նաև «Ուրարտու թրեվլ» ընկերության տնօրեն Ն.Շիրինյանը: Այնուհետև ներկաների առջև ելույթ ունեցան հատուկ այս միջոցառման համար Հայաստանից ժամանած փողային գործիքների ու պարային համույթները:

Դեսպան Ռ. Կարապետյանը հատուկ ընդգծեց երկու բարեկամ և դարավոր պատմություն ունեցող երկրների միջև օդային կապի հաստատման կարևորությանը, նշելով որ այս թռիչքը մեծ խթան կհանդիսանա երկկողմ հարաբերությունների զարգացման համար, իսկ Հայաստանը կհանդիսանա յուրովի մի կամուրջ, որը կկապի Իտալիան Հարավային Կովկասի հետ, քանի որ Երևան-Հռոմ թռիչքն Իտալիան տարածաշրջանի հետ կապող միակ ուղին է:

Պաշտոնական արարողությանը մասնակցեցին Հռոմի քաղաքային իշխանությունների, շահագրգիռ գերատեսչությունների և իտալահայ համայնքի ներկայացուցիչները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր