ՀՀ դեսպան Ռուբեն Կարապետյանը իր հավատարմագրերն է հանձնել Իտալական Հանրապետության նախագահ Ջորջիո Նապոլիտանոյին

23 հոկտեմբերի, 2009

Ս.թ. հոկտեմբերի 23-ին Հայաստանի Հանրապետության դեսպան Ռուբեն Կարապետյանն իր հավատարմագրերն է հանձնել Իտալական Հանրապետության նախագահ Ջորջիո Նապոլիտանոյին:

Հավատարմագրերի հանձնման արարողությանը հաջորդող առանձնազրույցի սկզբում նախագահ Ջ. Նապոլիտանոն նշել է, որ «Հայաստանը կարևոր գործընկեր է Իտալիայի համար, իսկ հայ և իտալացի ժողովուրդների հարաբերությունները հազարամյակների պատմություն ունեն»: Դեսպան Ռ.Կարապետյանը իր հերթին շեշտել է Իտալիայի հետ հարաբերությունները նոր մակարդակի վրա բարձրացնելու հայկական կողմի պատրաստակամությունը: Այդ նպատակով Ռ.Կարապետյանը ՀՀ նախագահ Ս.Սարգսյանի անունից հրավիրել է Ջ.Նապոլիտանոյին այցելել Հայաստան:

Այնուհետև, դեսպան Ռ. Կարապետյանը Նախագահ Ջ. Նապոլիտանոյի խնդրանքով ներկայացրել է հայ-թուրքական հարաբերությունների կարգավորման գործընթացի ներկա փուլը և նշել, որ Հայաստանը ակնկալում է Թուրքիայի կողմից խելամիտ ժամկետներում ստորագրված արձանագրությունների վավերացումը, ինչպես նաև գործընթացը ԼՂ հիմնախնդրի կարգավորման հետ պայմանավորելու ջանքերի անհեռանկարային և վտանգավոր լինելու հանգամանքը:

Հաջողություն մաղթելով ՀՀ դեսպանին` Իտալիայի նախագահը հույս է հայտնել, որ Իտալիայում ՀՀ նոր դեսպանը իր նպաստը կբերի հայ-իտալական հարաբերությունների խորացմանն ու զարգացմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր