ՀՀ արտաքին գործերի նախարար Էդվարդ Նալբանդյանի Իտալիա պաշտոնական այցը

23 նոյեմբերի, 2009

2009թ. նոյեմբերի 23-ին աշխատանքային այցով ՀՀ ԱԳ նախարար Էդվարդ Նալբանդյանն այցելեց Իտալիա, որի ընթացքում հանդիպումներ ունեցավ Իտալիայի արտաքին գործերի նախարար Ֆրանկո Ֆրատինիի, Սենատի արտաքին հարաբերությունների հանձնաժողովի նախագահ, Իտալիայի նախկին վարչապետ Լամբերտո Դինիի, ինչպես նաև Վատիկանում Սուրբ Աթոռի Պետությունների հետ հարաբերությունների հարցերով քարտուղար` արքեպիսկոպոս Դոմինիք Մամբերտիի հետ: Այցի շրջանակներում ԱԳ նախարարը հանդես եկավ Իտալիայի Սենատում Հայաստանի արտաքին քաղաքականության վերաբերյալ դասախոսությամբ, որը կազմակերպվել էր Միջազգային հարաբերությունների իտալական կազմակերպության և Իտալա-հայկական միջխորհրդարանական բարեկամական խմբի կողմից:
Այցի ընթացքում երկու ԱԳ նախարարների կողմից ստորագրվեցին` «Իտալական Հանրապետության կառավարության և Հայաստանի Հանրապետության կառավարության միջև տնտեսական համագործակցության» վերաբերյալ համաձայնագիր և «Իտալական Հանրապետության ԱԳՆ և Հայաստանի Հանրապետության ԱԳՆ միջև բարձր մակարդակի քաղաքական խորհրդատվությունների» վերաբերյալ Փոխըմբռնման հուշագիր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր