ՀՀ դեսպան Ռուբեն Կարապետյանի հանդիպումը Իտալիայի Հանրային կառավարման և նորարարության նախարար Ռենատո Բրունետտայի հետ

24 փետրվարի, 2010

2010թ. փետրվարի 24-ին դեսպան Ռ.Կարապետյանը հանդիպեց Իտալիայի հանրային կառավարման և նորարարության նախարար Ռ. Բրունետտայի հետ:
Հանդիպման ընթացքում դեսպանը շնորհակալություն է հայտնել նախարարին ՀՀ քաղաքացիական ծառայության խորհրդի հետ համագործակցության հաստաման ուղղությամբ ցուցաբերած աջակցության համար: Դեսպանը կարևորեց Իտալիայի փորձը հատկապես հանրային կառավարման ոլորտում, հաշվի առնելով վերջին տարիներին այդ բնագավառում իրականացված լայնամասշտաբ բարեփոխումները: «Հայկական կողմը շահագրգռված է երկկողմ կապերը ընդլայնելու նաև նորարարությունների ոլորտում` հատկապես տեղեկատվական տեխնոլոգիաների ու գիտության վրա հիմնված տնտեսական և հասարակական մոդելների մշակման, ինչպես նաև նախարարության կողմից արդեն իսկ իրականացվող կարևորագույն ծրագրերը Հայաստանում կիրառելու նպատակով».-նշել է դեսպանը:
Հանդիպման արդյունքում պայմանավորվածություն է ձեռք բերվել Իտալիայում կազմակերպել ՀՀ քաղծառայության խորհրդի աշխատակիցների վերապատրաստումը, ինչպես նաև հաստատել գործողությունների ծրագիր Հայաստանի հետ համագործակցությունը գործնական դարձնելու նպատակով:
Դեսպանը հրավիրել է Ռ.Բրունետտային այցելել Հայաստան և հաջողություն մաղթել նրան ս.թ. մարտի վերջին Վենետիկի քաղաքապետի պաշտոնի համար կայանալիք ընտրություններում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր