ՀՀ դեսպանություն առաջին անգամ այցելեց Հայ Կաթողիկե եկեղեցու առաջնորդ Պատրիարք Ներսես-Պետրոս XIX-ը

02 մարտի, 2010

Ս.թ. մարտի 1-ին Իտալիայում ՀՀ դեսպանություն առաջին անգամ այցելեց Հայ Կաթողիկե եկեղեցու առաջնորդ Պատրիարք Ներսես-Պետրոս XIX-ը` եպիսկոպոսների ուղեկցությամբ:

Հանդիպման ընթացքում քննարկվեցին մի շարք կարևոր հարցեր, որոնք վերաբերում էին դեսպանություն-իտալահայ համայնք և Հայաստան-Սփյուռք համագործակցությանը, ինչպես նաև հայ-թուրքական հարաբերություններին:

Դեսպանը հատկապես կարևորեց Իտալիայում փոքրաթիվ համայնքի միասնական գործելակերպն ու հետևողական, համատեղ աշխատանքը, ինչպես նաև հայտնեց դեսպանության պատրաստակամությունը իտալահայությանը համախմբելու պետական և ազգային առաջնային խնդիրների լուծման ուղղությամբ, որի առաջին քայլն էր ս.թ. փետրվարի 27-ին Հռոմում տեղի ունեցած համահայկական հավաքը, որը նախաձեռնվել էր դեսպանության կողմից:

Պատրիարքը դեսպանին հայտնեց իր աջակցությունը` դեսպանության բոլոր ծրագրերի իրականացման ու Իտալիայում ՀՀ դիվանագիտական ներկայացուցչության առջև դրված խնդիրների իրականացման գործում

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր