Հռոմի «Լա Սապիենցա» համալսարանում Իտալիայում ՀՀ դեսպան Ռ. Կարապետյանի դասախոսությունը

12 մարտի, 2010

Ս.թ. մարտի 11-ին Հռոմի կենտրոնական «Լա Սապիենցա» համալսարանի ռեկտոր Լ.Ֆրատիի հրավերով «Aula degli Organi Collegiali» սրահում տեղի ունեցավԻտալիայում ՀՀ դեսպան Ռ. Կարապետյանի դասախոսությունը«Հայաստանն այսօր» թեմայով:

Միջոցառման սկզբում ողջույնի խոսքով հանդես եկավ «Լա Սապիենցա» համալսարանի միջազգային համագործակցության գծով պրոռեկտոր` պրոֆ. Ա.Բիաջինին, որն իր ելույթում հատուկ ընդգծեց այն հանգամանքը, որ Հարավային Կովկասի երկրներից Հայաստանը առաջինն է, որ ներկայացվում է համալսարանի ուսանողությանն ու դասախոսական կազմին դեսպանի մակարդակով:

Այնուհետև մինչ Ռ.Կարապետյանի ելույթը ներկաներին ցուցադրվեց վերջերս իտալական «MEDIASET» հեռուստաընկերության կողմից պատրաստված տեսաֆիլմը Հայաստանի վերաբերյալ :

Դեսպանի դասախոսությունը հիմնականում կենտրոնացավ ՀՀ անկախությունից ի վեր երկրում տեղի ունեցած զարգացումների, ինչպես նաև ՀՀ արտաքին քաղաքական օրակարգային հարցերի վրա:

Դասախոսությունից հետո Ռ.Կարապետյանը պատասխանեց ներկաների բազմաթիվ հարցերին, որոնք հիմնականում վերաբերում էին ԼՂՀ հիմնախնդրին, հայ-թուրքական հարաբերություններին, ԵՄ-ի հետ ՀՀ ինտեգրացման գործընթացներին ու հայ-իտալական համագործակցությանը :

Հանդիպման վերջում ՀՀ դեսպանը «Լա Սապիենցա» համալսարանի գրադարանին նվիրաբերեց իտալերեն լեզվով հրատարակված գրքեր` իտալահայության, հայ ժողովրդի պատմության և մշակույթի վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր