ՀԱՂՈՐԴԱԳՐՈՒԹՅՈՒՆ Պադովայում Հայոց Ցեղասպանության 95-ամյակին նվիրված "Հայաստանի սուրբ հողը" գրքի շնորհանդեսի և լուսանկարչական ցուցահանդեսի վերաբերյալ

21 ապրիլի, 2010

Ս.թ. ապրիլի 19-ին Պադովայի քաղաքապետարանի "Պալացո Մոռոնի" պատմական սրահում տեղի ունեցավ իտալացի անվանի լուսանկարիչ Գրացիելլա Վիգոյի "Հայաստանի սուրբ հողը" գրքի շնորհանդեսը, ինչպես նաև գրքում տեղ գտած լուսանկարների ցուցահանդեսը, որը նվիրված էր Հայոց Ցեղասպանության 95 ամյակին:

Միջոցառումը բացեց Պադովայի քաղաքապետ Ֆլավիո Զանոնատոն, որը հատուկ շեշտեց այն հանգամանքը, որ Պադովա քաղաքը առաջինն էր, որ ճանաչեց Հայոց Ցեղասպանությունը և քաղաքապետարանի բակում փակցրեց զոհերի հիշատակը հավերժացնող հուշատախտակ: Նա համարելով Հայոց Ցեղասպանությունը մեծագույն ոճիր մարդկության դեմ անհրաժեշտ համարեց այդ մասին մշտապես հիշեցումն ու դատապարտումը:

Այնուհետև ելույթ ունեցավ Իտալիայում ՀՀ դեսպան Ռ.Կարապետյանը, որը բարձր գնահատեց Պադովայի քաղաքապետարանի և անձնապես քաղաքապետի դիրքորոշումը Հայոց Ցեղասպանության հարցում: Դեսպանը բարձր գնահատեց Գ.Վիգոյի կողմիղ կատարված աշխատանքը և շեշտեց, որ »այս միջոցառումը ի հեճուկս 95 տարի առաջ Ցեղասպանության կազմակերպիչների ու իրականացնողների խորհրդանշում է ոչ միայն Հայաստանի պատմությունը, այլև նրա լուսավոր ապագան ու հայ ժողովրդի հավերժությունը«:

Միջոցառմանը ներկա էին Իտալիայի քաղաքական և մշակույթի շրջանակների, հայ համայնքի բազմաթիվ ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր