ՀՀ Ոստիկանապետ Ալիկ Սարգսյանի պաշտոնական այցը Իտալիա

26 ապրիլի, 2010

Այցի շրջանակներում ս.թ. ապրիլի 23-ին ՀՀ պատվիրակությունը հանդիպեց Իտալիայի Հանրապետության Ներքին գործերի նախարար Ռոբերտո Մառոնիի հետ: Պաշտոնական հանդիպման ընթացքում քննարկվեցին երկուստեք հետաքրքրություն ներկայացնող հարցերը և հետագա համագործակցության հեռանկարները: ՀՀ Ոստիկանապետը հրավիրեց Իտալիայի Ներքին գործերի նախարարին այցելել Հայաստան:

Զրույցից հետո Իտալիայի Ներքին գործերի նախարար Ռոբերտո Մառոնիի և ՀՀ Ոստիկանապետ Ալիկ Սարգսյանի կողմից ստորագրվեց` “Հայաստանի Հանրապետության կառավարության և Իտալիայի Հանրապետության կառավարության միջև ոստիկանական համագործակցության մասին” համաձայնագիրը, ուղղված երկու երկների միջև` անդրազգային կազմակերպված հանցավորության, թմրամիջոցների, հոգեներգործուն նյութերի և դրանց բաղադրիչների ապօրինի արտադրության, թրաֆիկինգի և մաքսանենգության, մարդկանց թրաֆիկինգի և միգրանտների ապօրինի տեղափոխման, հրազենի, ռազմամթերքի, պայթուցիկ, միջուկային, ռադիոակտիվ և թունավոր նյութերի ապօրինի շրջանառության, ահաբեկչական գործողությունների կանխարգելման և դրանց կասեցման ուղղությամբ համագործակցության խթանմանը:

Ս.թ. ապրիլի 22-ինՀՀ Ոստիկանապետ Գեներալ-լեյտենանտ Ալիկ Սարգսյանի ղեկավարած պատվիրակությունն ընդունվեց Հռոմի Քահանայապետական Լևոնյան վարժարանում` Կաթողիկոս Պատրիարք Տանն Կիլիկոյ Կաթողիկե Հայոց Ներսես-Պետրոս XIX-րդի կողմից, որին հանդիսավոր արարողության շրջանակներում ՀՀ Ոստիկանապետը հանձնեց Հայաստանի Հանրապետության անձնագիր:

Ս.թ. ապրիլի 24-ին ՀՀ Ոստիկանապետի ղեկավարած պատվիրակությունը մասնակցեց Սուրբ Նիկողայոս Հայ Կաթողիկե եկեղեցուն հարող հրապարակում տեղադրված խաչքարի մոտ կազմակերպված` Մեծ Եղեռնի զոհերի հիշատակին նվիրված արարողությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր