Իտալիայի հնագիտության բնագավառում հայտնի “Արխեոլոգիա Վիվա” ամսագրի մեջ Հայաստանի վերաբերյալ հոդվածի տպագրման և “Հայաստանի Սուրբ քարերը” ֆիլմի վերաբերյալ

14 մայիսի, 2010

2009թ. մայիսին Հայաստան այցելության արդյունքում իտալացի ռեժիսոր Պաոլո Կիոդարելլիի կողմից նկարահանվել էր “Հայաստանի Սուրբ քարերը” փաստավավերագրական ֆիլմը /52 րոպեանոց/` Հայաստանի քրիստոնեական ճարտարապետության վերաբերյալ, ուր խորաթափանց կերպով ներկայացվում են հայ միջնադարյան եկեղեցաշինության կոթողները, հարցազրույցներ են անցկացվում անվանի հայ և իտալացի պատմաբանների ու ճարտարագետների հետ:

Իտալիայում վերոհիշյալ ֆիլմը հասարակության լայն շրջաննակներին հասցնելու նպատակով` ՀՀ դեսպանության նախաձեռնությամբ և ՀՀ մշակությի նախարարության ֆինանսական աջակցությամբ Pietre Sacre D`Armenia ֆիլմը պատճենահանվեց 25.000 օրինակով և Իտալիայի ամենահեղինակավոր հնագիտական “Արկեոլոջիա Վիվա” /Archeologia Viva/ ամսագրի 2010թ. մայիս-հունիս համարի հետ միասին որպես ներդիր բաժանվեց ամսագրի բոլոր բաժանորդներին:

Ամսագրի նույն համարում տպագրվել է Հայաստանի ճարտարապետական հարուստ ժառանգության և պատմամշակութային հուշարձանների վերաբերյալ հոդված:

Իտալերեն տեքստը և ավելի մանրամասն տեղեկությունները զետեղված են համացանցի` http://www.archeologiaviva.it/index.php/article/1718/PIETRE-SACRE-D'ARMENIA.html կայքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր