ՀԱՂՈՐԴԱԳՐՈՒԹՅՈՒՆ ՀՀ Սփյուռքի նախարար Հրանուշ Հակոբյանի ղեկավարած պատվիրակության ս.թ. մայիսի 26-ից 30-ը Իտալիա այցելության վերաբերյալ

31 մայիսի, 2010

Այցի առաջին օրը մայիսի 26-ին ՀՀ Սփյուռքի նախարար Հրանուշ Հակոբյանը Իտալիայի Արտաքին գործերի նախարարությունում հանդիպեց Արտերկրներում բնակվող իտալացիների Գլխավոր խորհրդի (CGIE) գլխավոր քարտուղարի տեղակալ պրն. Անդրեա Ամառոյի և Գործադիր քարտուղար Ստեֆանո Վեռեկկիայի հետ: CGIE-ի փորձի ուսումնասիրությունը և տեղում գործունեության մեխանիզմներին և մեթոդներին ծանոթանալը` հայկական կողմի հիմնական նպատակներից մեկն էր: Իտալական կողմը հանգամանալից ներկայացրեց CGIE-ի ստեղծման պատմությունը, նպատակն ու խնդիրները, կառուցվածքն ու իրականացրած ծրագրերը և պատասխանեց հայկական կողմի հարցերին: Քննարկվեցին նաև երկուստեք հետաքրքրություն ներկացացնող հարցերը և հետագա համագործակցության հեռանկարները:

Նույն օրը երեկոյան պատվիրակությունը այցելեց Հռոմի Սուրբ Նիկողայուս եկեղեցի Քահանայապետական Լևոնյան Հայ վարժարանը և Մալոյան մշակութային կենտրոնը: Հռոմում նախարարը առանձին հանդիպում ունեցավ Վենետիկի և Բոլոնիայի համալսարանների Հայագիտական կենտրոնների ղեկավարներ` Հայր Լևոն Զեքիյանի և Աննա Շիրինյանի հետ :

Մայիսի 27-ին ՀՀ պատվիրակությունը հանդիպում ունեցավ Իտալիայի ԱԳ նախարարի տեղակալ, պետքարտուղար Ալֆրեդո Մանտիկայի հետ, որը հակիրճ ներկայացրեց արտասահմանում բնակվող իտալացիների հետ տարվող աշխատանքը և ծանոթացրեց իտալական համայնքներից Իտալիայի պառլամենտի անդամների ընտրության կարգին:

Նույն օրը, Իտալիայում ՀՀ դեսպանատանը ՀՀ Սփյուռքի նախարարն ընդունեց Արտաքսված և վտարանդի անձանց Եվրոպական Միության Գլխավոր քարտուղար Մասիմիլիանո Լակոտային, որին հաջորդեց հանդիպում Հռոմի հայկական կառույցների ներկայացուցիչների հետ, որի ընթացքում քննարկվեցին նախարարության կողմից նախաձեռնվող միջոցառումներին Իտալիայի հայ համայնքի ներկայացուցիչների ակտիվ մասնակցության հնարավորությունները:

Մայսի 28-ին ՀՀ Սփյուռքի նախարարը մեկնեց Միլան, ուր հանդիպում ունեցավ Միլանի Հայ համայնքային կազմակերպությունների ղեկավարների և հոգևոր առաջնորդի հետ: Այնուհետև նախարարին ընդունեց Միլանի նահանգային խորհրդի նախագահ Բրունո Դապեն: Զրույցի ընթացքում կողմերը անդրադարձան նահանգային և քաղաքային մակարդակներով Հայաստանի և Միլանի նահանգի միջև համագործակցության խթանմանը:

Երեկոյան ՀՀ նախարարը այցելեց Միլանի «Հայ տուն»-ը, որտեղ հանդիպեց Միլանի հայ համայնքի ներկայացուցիչների հետ ու հանդես եկավ ելույթով:

Միլանից հետո ՀՀ Սփյուռքի նախարարը մեկնեց Վենետիկ, որտեղ այցելեց Սբ. Ղազար կղզին և հանդիպում ունեցան Մխիթարյան Միաբանության Աբբահայր Եղյա Քիլաղբյանի ու միաբանության անդամների հետ: Հանդիպման ընթացքում քննարկվեցին համագործակցության մի շարք հարցեր: Հռոմից մեկնելուց առաջ տկն. Հ.Հակոբյանը այցելեց Սուրբ Վլաս հայկական եկեղեցին

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր