ՀԱՂՈՐԴԱԳՐՈՒԹՅՈՒՆ Իտալիայում ՀՀ դեսպան Ռ.Կարապետյանի Տոսկանայի նահանգ այցելության վերաբերյալ

18 հունիսի, 2010

Ս.թ. հոկտեմբերի 18-ին ՀՀ դեսպան Ռ.Կարապետյանը աշխատանքային այց կատարեց Իտալիայի գյուղատնտեսության և զբոսաշրջիկության բնագավառում առաջատար` Տոսկանայի նահանգ:

Այցելության ընթացքում դեսպանը նահանգի մայրաքաղաք Արեցցոյում հանդիպումներ ունեցավ նահանագապետ Ռ.Վազայի, Արեցցոյի քաղաքապետ Ջ. Ֆանֆանի, ինչպես նաև նահանգի հոգևոր առաջնորդ արքեպիսկոպոս Ռ. Ֆոնտանայի հետ:

Հանդիպումների ընթացքում դեսպանը քննարկեց Արեցցոյի նահանգի հետ փոխշահավետ համագործակցության հաստատման, քաղաքային և նահանգային մակարդակով կապերի խթանման, տնտեսական և մշակութային միջոցառումների կազմակերպման հնարավորությունները:

Հանդիպումների արդյունքում պայմանավորվածություն ձեռք բերվեց մոտ ապագայում կազմակերպել հայ-իտալական գործարար համաժողով Արեցցոյում, ինչպես նաև նախատեսել հաջորդ տարվա ընթացքում Արեցցոյի նահանգապետի այցը Հայաստան և ՀՀ մարզերից մեկի հետ համագործակցության համաձայնագրի ստորագրումը: Նահանգային իշխանությունները պատրաստակամություն հայտնեցին հայ գրատպության հոբելյանական միջոցառումների համար համապատասխան տարածքներ տրամադրել Արեցցոյում:

Այցի շրջանակներում դեսպան Ռ.Կարապետյանը այցելեց Ռոնդինե, ուր տեղակայված է »Խաղաղության ամրոց« հասարակական կազմակերպության ուսանողական ավանը: Դեսպանը հանդիպում ունեցավ աշխարհի շուրջ 25 երկրներից, այդ թվում նաև միջազգային հակամարտությունների տարբեր գոտիներից Իտալիայում ուսանող երիտասարդների և կազմակերպության ղեկավար պրոֆ. Ֆ.Վակարիի հետ:

Հանդիպման ընթացքում դեսպանը տեղեկացվեց, որ հաջորդ շաբաթ առաջին հայ ուսանողը կժամանի Ռոնդինե` Երևանի Բրյուսովի անվան լեզվաբանական ինստիտուտից` միջազգային հարաբերություններ մասնգիտությամբ մագիստրատուրայում ուսումը շարունակելու նպատակով:

Պայմանավորվածություն ձեռք բերվեց, որ Ռոնդինեի պատվիրակությունը առաջին անգամ ս.թ. հուլիսին կայցելի տարաշարջան` այդ թվում Հայաստան, ուր ՀՀ ղեկավարությանը կհանձնի Հարավային Կովկասում խաղաղության հաստատման իր ընդունված 14 կետանոց Հռչակագիրը: Դեսպանը հատուկ շեշտեց այցի շրջանակներում Լեռնային Ղարաբաղի Հանրապետություն այցելության անհրաժեշտությունը և Ռոնդինեում ԼՂՀ-ից ուսանող ունենալու կարևորությունը:

Այնուհետև Ռոնդինեւոմ տեղի ունեցավ դեսպան Ռ.Կարապետյանի հանդիպումը իտալացի շուրջ 30 գործարարների հետ, որի ընթացքում դեսպանը ներկայացրեց Հայաստանում ներդրումային հնարավորությունները, հայ-իտալական առևտրատնտեսական համագործակցության ներկայիս իրավիճակն ու հեռանկարային ոլորտները: Ներկաներին բաժանվեցին իտալերեն լեզվով տեղեկատվական գրքույկներ Հայաստանի տնտեսության և մշակույթի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր