Իտալիայում ՀՀ դեսպան Ռ.Կարապետյանի հանդիպումը Իտալիայի խորհրդարանի պատգամավորների պալատի նախագահ Ջանֆրանկո Ֆինիի հետ

23 հունիսի, 2010

2010թ. ապրիլի 22-ին Իտալիայում ՀՀ դեսպան Ռ.Կարապետյանը հանդիպում ունեցավ Իտալիայի խորհրդարանի պատգամավորների պալատի նախագահ Ջ.Ֆինիի հետ:
Հանդիպման ընթացքում քննարկվեցին երկկողմ հարաբերությունների խորացման, խորհրդարանական դիվանագիտության ակտիվացման, հայ-իտալական առնչությունների հարուստ պատմության հանրայնացման հետ կապված մի շարք հարցեր:
Երկուստեք կարևորվեց համագործակցության մակարդակի բարձրացումը` ներդրումային և մշակութային խոշոր ծրագրերի, ինչպես նաև փոխայցելությունների իրականացմամբ:
Այնուհետև դեսպան Ռ.Կարապետյանը ներկայացրեց ԼՂ հիմնախնդրի ներկայիս իրավիճակը` մանրամասն անդրադարձ կատարելով ադրբեջանական վերջին հարձակմանը: Դեսպանը անհրաժեշտ համարեց Իտալիայի և ընդհանրապես միջազգային հանրության կողմից անհանդուրժողական կեցվածքի որդեգրումը Ադրբեջանի նման գործողությունների նկատմամբ:
Ջ.Ֆինին իր հերթին նշեց Իտալիայի հավասարակշիռ մոտեցումը հիմնախնդրի նկատմամբ` ընդգծելով »խորհրդային ծանր ժառանգության« փաստն ու հայկական կողմի խոհեմ և հետևողական քաղաքականությունը ԼՂՀ հիմնախնդրի կարգավորման ուղղությամբ: Պատգամավորների պալատի նախագահը բարձր գնահատեց հայկական դիվանագիտությունը, որին հաջողվել է »Հայաստանի համար առավել շահեկան դիրք և վստահելի գործընկերոջ համբավ ապահովել միջազգային ասպարեզում«:
ՀՀ դեսպանը վերահաստատեց Ջ.Ֆինիին Հայաստան ացելելու հրավերը` հույս հայտնելով, որ այն կդառնա առաջին բարձրաստիճան այցելությունը Հայաստան իտալական կողմից դիվ. հարաբերությունների հաստատումից ի վեր և զգալի խթան կհանդիսանա հարաբերությունների զարգացման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր