Հայաստանը մասնակցել է Հնագիտական զբոսաշրջիկության միջերկրական ցուցահանդեսի

21 նոյեմբերի, 2011

Նոյեմբերի 17-ից 20-ը Իտալիայի Պաէստում (Paestum) քաղաքում` հայտնի հնագիտական տեսավայրում, տեղի է ունեցել Հնագիտական զբոսաշրջիկության միջերկրական XIV-րդ ցուցահանդես-տոնավաճառը (Borsa Mediterranea del Turismo Archeologico), որին Իտալիայում ՀՀ դեսպանության մասնակցությամբ եւ ՀՀ Մշակույթի նախարարության աջակցությամբ ներկայացված էր Հայաստանի տաղավարը:

Այսամենամյամիջոցառմանը, որն անցկացվում է Իտալիայի նախագահի բարձր հովանու ներքո, իրենց մասնակցությունն են բերել 200-իցավելիհնագիտական զբոսաշրջությանընկերություններ 22 երկրներից:

ՀՀ-ի տաղավարում Հայաստանի հարուստ պատմամշակութային եւ հնագիտական ժառանգությունից զատ ներկայացված էին Հայ գրատպության 500-ամյա հոբելյանի շրջանակներում կայանալիք միջոցառումների վերաբերյալ տեղեկատվական նյութեր:

Ցուցահանդեսի ավարտին Հնագիտական զբոսաշրջիկության տնօրինությունը պաշտոնապես հաստատեց ՀՀ դեսպանության հետ ավելի վաղ ձեռք բերված պայմանավորվածությունը, որ գալիք XV-րդ ցուցահանդեսին Հայաստանին շնորհվում է Պաշտոնական հյուրի (Official Guest) կարգավիճակ, ինչը ընձեռնում է մասնակցության ավելի ընդլայնված հնարավորություններ եւ կենտրոնական դերակատարություն:

Հնագիտական զբոսաշրջիկության միջերկրական ցուցահանդես-տոնավաճառի վերաբերյալ համառոտ տեղեկատվությունը զետեղված է www.borsaturismo.com կայքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր