Հայաստանը' պաշտոնական հյուր Պեստումում կայացած 15-րդ Հնագիտական զբոսաշրջության միջերկրական ցուցահանդես/տոնավաճառին

19 նոյեմբերի, 2012

Ս.թ. նոյեմբերի 15-ից 18-ը Իտալիայի Կապաչո Պեստում քաղաքում տեղի է ունեցել 15-րդ Հնագիտական զբոսաշրջության միջերկրական ցուցահանդես/տոնավաճառը, որին Հայաստանը մասնակցել է Պաշտոնական հյուրի կարգավիճակով:

Նոյեմբերի 15-ին, Պեստումի Հնագիտական զբոսաշրջության միջերկրական ցուցահանդես/տոնավաճառի բացմանը ողջույնի խոսքով ելույթ է ունեցել ՀՀ մշակույթի նախարարի տեղակալ Արև Սամուելյանը: Նույն օրը ցուցահանդեսի շրջանակներում կազմակերպվել էր <Հայաստան. Նոյի երկիր> կոնֆերանսը, որին բացման խոսքով հանդես է եկել Իտալիայում ՀՀ դեսպան Ռուբեն Կարապետյանը և զեկուցումներ են կարդացել հնէագետներ Ռաֆայելե Բիշոնեն, Նեդա Պարմեջանին, Աշոտ Փիլիպոսյանը, Հակոբ Սիմոնյանը: Հայաստանում պեղումներին մասնակցած հնէագետները ներկայացրեցին իրենց աշխատանքների արդյունքները, որոնք վերահաստատեցին այն, որ Հայկական բարձրավանդակը հանդիսանում է ոչ միայն հայ ժողովրդի ծագման բնօրրանը, այլև հնդեվրոպական քաղաքակրթության ձևավորման սկզնբաղբյուրը: Նոյեմբերի 16-ին ՀՀ պատվիրակության անունից տրվել է ճաշ 300 հրավիրյալների համար (զեկուցողներ, լրագրողներ, օտարերկրյա տուրօպերատորներ և այլն), որին ներկա էին նաև UNESCO-ի գլխավոր տնօրենի հատուկ խորհրդատու Մունիր Բուշենակին, ICCROM-ի գլխավոր տնօրեն Ստեֆանո Դե Կարոն, Սալեռնոյի նահանգապետ Անտոնիո Յանոնեն և այլ պաշտոնական հյուրեր:

15-րդ Հնագիտական զբոսաշրջության միջերկրական ցուցահանդեսին մասնակցել են 30 երկրներ, ներկա էին 200 իտալական և միջազգային զբոսաշրջության ընկերություններ: Հայաստանից ժամանել էին 6 զբոսաշրջության ընկերություններ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր