ԻՏԱԼԻԱՅՈՒՄ ՀՀ ԴԵՍՊԱՆ Ս.ՂԱԶԱՐՅԱՆԻ ՀԱՎԱՏԱՐՄԱԳՐԵՐԻ ՀԱՆՁՆՈՒՄԸ ԻՏԱԼԻԱՅԻ ՆԱԽԱԳԱՀ Ջ.ՆԱՊՈԼԻՏԱՆՈԻՆ

22 մայիսի, 2013

Ս.թ. մայիսի 22-ին Իտալիայում ՀՀ նորանշանակ դեսպան Սարգիս Ղազարյանը իր հավատարմագրերն է հանձնել Իտալիայի Հանրապետության նախագահ Ջորջիո Նապոլիտանոյին:

Իտալիայի նախագահական պալատում տեղի ունեցած հանդիսավոր արարողությանը հետևել է նախագահ Նապոլիտանոյի և դեսպան Ղազարյանի առանձնազրույցը:

Զրույցի ընթացքում նախագահ Նապոլիտանոն, շնորհավորելով դեսպան Ղազարյանին հավատարմագրման կապակցությամբ, իր գոհունակությունն է արտահայտել երկու երկրների միջև հարաբերությունների ներկայիս բարձր մակարդակի առնչությամբ և համոզմունք հայտնել, որ Հայաստանի նորանշանակ դեսպանն իր կարևոր ներդրումը կունենա` Հայաստանի և Իտալիայի միջև բոլոր տեսակի կապերի էլ ավելի ամրապնդման գործում:

Դեսպան Ղազարյանը, շնորհակալություն հայտնելով նախագահ Նապոլիտանոյին ջերմ ընդունելության համար, նշեց, որ Հայաստանը կարևորում է Իտալիայի հետ համակողմանի համագործակցության զարգացումը, և որ ինքը որպես դեսպան ջանքեր չի խնայի` երկու պետությունների միջև բազմակողմ հարաբերությունների հետագա զարգացման համար:

Կողմերը համոզմունք արտահայտեցին առ այն, որ առկա են բոլոր նախադրյալները` երկու երկրների և բարեկամ ժողովուրդների միջև բազմադարյա պատմության նոր էջ բացելու համար:

Շուրջ կես ժամ տևած զրույցի ընթացքում անդրադարձ է կատարվել նաև հայ-իտալական քաղաքական օրակարգի, այդ թվում նաև բարձր մակարդակով փոխադարձ այցելություններին վերաբերող հարցերին, երկկողմ տնտեսական և մշակությային համագործակցությանը, ղարաբաղյան հակամարտության կարգավորմանը, Հայաստանի եվրաինտեգրման օրակարգին,ինչպեսնաև տարածաշրջանային և միջազգային մի շարք խնդիրներին

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր