ԴԵՍՊԱՆ ՍԱՐԳԻՍ ՂԱԶԱՐՅԱՆՆ ԻՐ ՀԱՎԱՏԱՐՄԱԳՐԵՐԸ ՀԱՆՁՆԵՑ ՄԱԼԹԱՅԻ ՆԱԽԱԳԱՀԻՆ

26 հունիսի, 2014

Մալթայի Հանրապետությունում Հայաստանի Հանրապետության դեսպան Սարգիս Ղազարյանը /նստավայրը` Հռոմ/ հունիսի 26-ին իր հավատարմագրերը հանձնեց Մալթայի Նախագահ Մարի Լուիզ Կոլեյրո Պրեկային:

Հավատարմագրերի հանձնման պաշտոնական արարողությունից հետո տեղի ունեցած առանձնազրույցի ժամանակ Մալթայի Նախագահը հաջողություն մաղթեց Հայաստանի դեսպանին` հավաստիացնելով, որ Մալթայի պետական ատյաններն իրենց աջակցությունը կբերեն Հայաստանի և Մալթայի միջև հարաբերությունների զարգացմանն ուղղված դեսպանի նախաձեռնություններին: Զրույցի ընթացքում քննարկվեցին երկու երկրների միջև տարբեր, այդ թվում` տնտեսության, խորհրդարանական դիվանագիտության, կրթության, մշակույթի և այլ ոլորտներում համագործակցության զարգացման հնարավորությունները: Դեսպան Ս.Ղազարյանը` շնորհակալություն հայտնելով ջերմ ընդունելության համար, նշել է, որ ջանք չի խնայի երկու երկրների և ժողովուրդների միջև բարեկամության և համագործակցության զարգացման ու ամրապնդման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր