Հայաստանը հաղթող ճանաչվեց Վենետիկի ժամանակակից արվեստի 56-րդ միջազգային բիենալեում

09 մայիսի, 2015

Մայիսի 9-ին Վենետիկի ժամանակակից արվեստի 56-րդ միջազգային բիենալեում, ազգային տաղավարների անվանակարգում, հաղթող է ճանաչվել և շահել գլխավոր «Ոսկե առյուծ» մրցանակը Հայաստանի Հանրապետության տաղավարը, որը կրում է «Armenity Հայություն» խորագիրը: Աշխատանքները իրականացվել են ՀՀ մշակույթի նախարարության, Վենետիկի Մխիթարյան միաբանության հովանու ներքո և Իտալիայում ՀՀ դեսպանության աջակցությամբ: Տաղավարի համադրողն է Ադելինա Կյուբերյան ֆոն Ֆյուրշթենբերգը: Տաղավարը տեղակայված է Վենետիկի Սբ. Ղազար կղզում: Այն նվիրված է Հայոց Ցեղասպանության 100-ամյա տարելիցին: Տաղավարում ներկայացված են 18 սփյուռքահայ արվեստագետների ժամանակակից արվեստի գործեր:

Տաղավարի բացումը կայացել է ս.թ. մայիսի 6-ին, որին ներկա են գտնվել ՀՀ մշակույթի նախարար Հասմիկ Պողոսյանը, ՀՀ դեսպան Սարգիս Ղազարյանը, դիվանագետներ, իտալացի հայտնի արվեստագետներ, բազմաթիվ լրագրողներ և քաղաքացիական հասարակության ներկայացուցիչներ։ Բիենալեի ժյուրիի հիմնավորմամբ հաղթանակը շնորհվել է հայկական տաղավարին՝ հաշվի առնելով, որ «սփյուռքի արվետստագետները ներկայացրել են գործեր, որոնց ստեղծագործման ընթացքում նրանք բախվել են ոչ միայն իրենց միջավայրի, այլ նաև յուրահատուկ մշակութային ժառանգության և ինքնության հետ: Հայ ժողովրդի համար այս նշանակալից տարում տաղավարը ի ցույց է դնում մշակութային փոխազդեցությունների և խաչաձևումների ամրությունը»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր