Հայոց ցեղասպանության 100-ամյակին նվիրված ցուցահանդես Կալյարիում

06 նոյեմբերի, 2015

Նոյեմբերի 6-ին Կալյարիում (Սարդինիա) կայացավ Հայոց ցեղասպանության 100-ամյակին նվիրված «Երթ անապատում. 1915-2015» խորագրով ցուցահանդեսի պաշտոնական բացումը: Այն նախաձեռնել և կազմակերպել էին “Ojos Design” ու “Suoni&Pause” ընկերությունները՝ հանձինս համապատասխանաբար Ալբերտո Սոյի (Albero Soi) և Իրմա Թուջյանի (Irma Toudjian)՝ Իտալիայում Հայաստանի դեսպանության հովանավորությամբ և համագործակցությամբ Կալյարիի շրջանային ու քաղաքային իշխանությունների, ինչպես նաև Իտալիայում հայերի միության հետ: Ցուցահանդեսում ներկայացված են տարբեր երկրների 35 արվեստագետների՝ Հայոց ցեղասպանության զոհերի հիշատակին նվիրված գրաֆիկական, տեսաձայնային, գրական և այլ ստեղծագործություններ:

Ցուցահանդեսի բացմանն ընթերցվեց Իտալիայում Հայաստանի դեսպան Սարգիս Ղազարյանի ուղերձը, որում նա շնորհակալություն է հայտնում կազմակերպիչներին և 35 արվեստագետներին՝ Հայոց ցեղասպանության 100-ամյակի հիշատակմանն ու ոգեկոչմանն իրենց նպաստը բերելու համար՝ դրանով իսկ աջակցելով աշխարհում համամարդկային արժեքների, ինչպես նաև արդարության ու խաղաղության տարածմանը:

Ցուցահանդեսը տևելու է մինչև նոյեմբերի 15-ը, և կազմակերպիչները ծրագրել են 2016թ. նույն ցուցահանդեսը բացել նախ Միլանում, ապա՝ Երևանում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր