Հայոց ցեղասպանության 100-ամյակին նվիրված գրքի շնորհանդես Տոռիտա դի Սիենայում

23 նոյեմբերի, 2015

Ս.թ. նոյեմբերի 23-ին Իտալիայի Տոռիտա դի Սիենա (Torrita di Siena) համայնքի «Տեատրո դելլի Օսկուրիում» (Teatro degli Oscuri), որը Իտալիայի ամենահին ակադեմիաներից մեկն է, կայացավ Հայոց ցեղասպանության 100-ամյակի առթիվ հրատարակված «Հայերի նահատակությունը» գրքի շնորհանդեսը: Գրքի հեղինակն է հանրային դիվանագիտության մեջ մեծ ավանդ ունեցող Սանտ Էջիդիո համայնքի նախագահ Մարկո Իմպալիացցոն (Marco Impagliazzo): Միջոցառման կազմակերպիչն էր Տոռիտե դի Սիենայի համայնքային իշխանությունը՝ հովանավորությամբ Իտալիայում Հայաստանի դեսպանության, Տոսկանային նահանգային իշխանության և Սանտ Էդիջիոյի համայնքի:

Գրքի շնորհանդեսին ելույթներ ունեցան Տոսկանայի նահանգային խորհրդի նախագահ Էուջենիո Ջիանին (Eugenio Giani) և փոխնախագահ Մոնիկա Բարնին (Monica Barni), Սիենայի արքեպիսկոպոս Մոնսինյոր Ստեֆանո Մանետին (Mons. Stefano Manetti), և Տոռիտա դի Սիենայի համայնքապետ Ջիակոմո Գրացին (Giacomo Grazi):

Իտալիայում Հայաստանի դեսպան Սարգիս Ղազարյանը, Պերուջիայի օտարերկրացիների համալսարանի պրոֆեսոր Ֆեդերիկա Գուացինին (prof. Federica Guazzini) և գրքի հեղինակ Մարկո Իմպալիացցոն բանախոսեցին Հայոց ցեղասպանության, թուրքական ժխտողականության և մարդկության դեմ նոր ոճիրների կանխարգելման թեմաների շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր