Հայոց ցեղասպանության 100-ամյակին նվիրված տեսաերիզի շնորհանդես Պեսկարայում

28 դեկտեմբերի, 2015

Ս.թ. դեկտեմբերի 28-ին Իտալիայի Պեսկարա (Pescara) քաղաքում կայացավ Իտալիայում լայն ճանաչում վայելող երաժիշտ և ռեժիսոր Ռոբերտո Պաչի Դալոյի (Roberto Paci Dalò) Հայոց ցեղասպանության 100-ամյակին նվիրված “1915. The Armenian Files” ստեղծագործության տեսաերիզի շնորհանդեսը: Ռոբերտո Պաչի Դալոն 2015թ. արժանացել է Իտալիայում մեծ հեղինակություն վայելող «Նեապոլի՝ իտալական մշակույթի և լեզվի» մրցանակին:

Տեսաերիզի թողարկմանը և դրա հետ կապված ստեղծագործական ուսումնասիրություններին իր աջակցությունն էր բերել Իտալիայում Հայաստանի դեսպանությունը՝ համագործակցությամբ “Giardini Pensili” և “Arthub” ընկերությունների հետ: Շնորհանդեսը՝ դեսպանության հովանավորությամբ, կազմակերպել էր “ARCI” իտալական մշակութային ձախակողմյան ասոցիացիան:

“1915. The Armenian Files” ստեղծագործության տեքստի հիմնական մասը Դանիել Վարուժանի բանաստեղծություններից են, որոնք ընթերցում է արքեպիսկոպոս Լեւոն Պօղոս Զեքիեանը: Պատկերներն ու տեսարաններն ուղեկցվում են էլեկտրոնային ռիթմերով, ձայնային սյուժեներով ու վոկալով:

Ստեղծագործությունը և տեսաերիզը ներկայացրեցին և Հայոց ցեղասպանության 100-ամյակի խորհրդի մասին խոսեցին Իտալիայում Հայաստանի դեսպան Սարգիս Ղազարյանը և “1915. The Armenian Files” ստեղծագործության հեղինակ Ռոբերտո Պաչի Դալոն:

Միջոցառմանը ներկա էին իտալացի քաղաքական, հասարակական ու մշակութային գործիչներ, զանգվածային լրատվամիջոցների, իտալահայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր