Հայաստանի Հանրապետության Անկախության 19-րդ տարեդարձին նվիրված միջոցառումներ Իտալիայում

21 սեպտեմբերի, 2010

Ս.թ. սեպտեմբերի 21-ին Հայաստանի Հանրապետության Անկախության օրվա կապակցությամբ Հռոմի կենտրոնական` Հանրապետության հրապարակում /Piazza della Repubblica/ գտնվող հռչակավոր “Basilica di Santa Maria degli Angeli e dei Martiri” եկեղեցում Իտալիայում ՀՀ դեսպանությունը կազմակերպել էր համերգ ՚ Սբ.Գեղարդ վանքի՚ երգչախմբի կատարմամբ:

Եվ ինչպես միջացառման բացմանը նշեց ՀՀ դեսպան Ռուբեն Կարապետյանը. ՙՀայաստանի անկախության այս կարևոր տարեդարձը հայկական միջնադարյան հոգևոր երաժշտության համերգով նշելու գաղափարը պատահական չէ: Քրիստոնեությունը որպես պետական կրոն հռչակած առաջին պետություն, Հայաստանը իր մեծ ներդրումն է ունեցել Եվրոպայում, այդ թվում նաև Իտալիայում քրիստոնեության քարոզչության տարածման գործում: Այդ մասին են վկայում իտալական տասնյակից ավելի քաղաքները հովանավոր հայ սրբերը ու նրանց նվիրված եկեղեցիները Իտալիայի ողջ տարածքում: Իտալիան միշտ եղել և շարունակում է մնալ ամենամտերիմ ու հոգեհարազատ երկիրը հայերիս համար ինչպես ընդհանուր պատմությամբ, այնպես էլ մշակութային և հոգևոր փոխլրացնող հարուստ ժառանգության շնորհիվՙ:
Համերգին ներկա էին շուրջ 500 հյուրեր` Իտալիայի կառավարության ու խորհրդարանի անդամներ, նահանգային և քաղաքային իշխանությունների բարձրաստիճան պաշտոնյաներ, Իտալիայում հավատարմագրված օտարերկրյա դեսպաններ, ԱԳՆ-ի դիվանագետներ, հասարակական գործիչներ, լրագրողներ և իտալահայ համայնքների ներկայացուցիչներ:

Երեկոյի ավարտին բոլոր հրավիրյալներին բաժանվեցին իտալական “Archeologia Viva” ամսագրի 2010թ. մայիս-հունիս համարները, որոնց որպես ներդիր կցված էր իտալացի ռեժիսոր Պիետրո Կիոդարելլիի ՙՀայաստանի Սուրբ քարերը՚ /Pietre Sacre D`Armenia/ փաստավավերագրական 52-րոպեանոց ֆիլմի սկավառակը` Հայաստանի քրիստոնեական ճարտարապետության վերաբերյալ:
Միջոցառումը լուսաբանվեց Վատիկանի կենտրոնական հեռուստաալիքով և Իտալիայի մի քանի լրատավամիջոցներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր